तुळजापूर (अधिकार वार्ता प्रतिनिधी): जातीपातीच्या पलीकडचा ‘जननायक’मिलिंद रोकडे यांची ओळख केवळ एका विशिष्ट समाजाचे नेते म्हणून नाही, तर सर्वधर्मीय बांधवांना सोबत घेऊन चालणारे नेतृत्व अशी निर्माण झाली आहे. “रोकडे यांनी केवळ स्व-समाजासाठी काम केले नाही, तर मुस्लिम बांधवांच्या सणासुदीत दिलेली साथ असो, धनगर समाजाच्या आरक्षणाचा लढा असो किंवा मनोज जरांगे पाटील यांच्या खांद्याला खांदा लावून मराठा आरक्षणासाठी दिलेला लढा असो; प्रत्येक ठिकाणी रोकडे हे ढाल बनून उभे राहिले,” अशा भावना मतदारसंघातील नागरिक व्यक्त करत आहेत.
आगामी जिल्हा परिषद निवडणुकीच्या पार्श्वभूमीवर काक्रंबा गटातील राजकीय वातावरण कमालीचे तापले आहे. वंचित बहुजन आघाडीचे अधिकृत उमेदवार मिलिंद रोकडे यांनी निवडणुकीच्या रिंगणात उडी घेतल्याने प्रस्थापित विरोधकांसमोर मोठे आव्हान उभे राहिले आहे. रोकडे यांची उमेदवारी ही केवळ एका पक्षाची उमेदवारी नसून, ती सर्वसामान्य जनतेच्या संघर्षाचे प्रतीक असल्याचे चित्र सध्या मतदारसंघात पाहायला मिळत आहे. विरोधकांच्या ‘फोडा आणि राज्य करा’ नीती वर मतदारांचा प्रहार मतदारसंघातील जाणकार मतदारांच्या मते, आजवरच्या लोकप्रतिनिधींनी केवळ जाती-जातीमध्ये तेढ निर्माण करून आपली राजकीय पोळी भाजून घेण्याचे काम केले. मात्र, मिलिंद रोकडे यांनी आपल्या आयुष्यातील अमूल्य वर्षे समाजाच्या हितासाठी आणि अन्यायाविरुद्ध लढण्यासाठी खर्ची घातली आहेत. विरोधकांकडे सांगण्यासारखा विकास अजेंडा नसल्याने ते पुन्हा एकदा जातीयवादाचा आधार घेत आहेत, परंतु “मतदार राजा” आता जागा झाला आहे.
विरोधकांची ‘लायकी’ जनताच ठरवणार! निवडणुकीच्या प्रचारात विरोधकांकडून केल्या जाणाऱ्या चिखलफेकीला उत्तर देताना मतदारांनी स्पष्ट केले आहे की, ज्यांनी वर्षानुवर्षे जनतेला केवळ आश्वासने दिली, त्यांची खरी ‘लायकी’ या निवडणुकीत मतपेटीतून दिसून येईल. “फक्त निवडणुका आल्यावर जातीचे कार्ड खेळणाऱ्यांची जागा आता घरी आहे,” असे टोमणे सध्या गावागावातील चावडीवर ऐकायला मिळत आहेत.
मिलिंद रोकडे यांच्या रूपाने एक असा माणूस मैदानात आहे, ज्याने माणुसकी हाच धर्म मानला. त्यामुळे विरोधकांच्या पोटात गोळा आला असून, काक्रंबा गटात आता ‘बदलाचे वारे’ वाहत असल्याचे स्पष्ट दिसत आहे. ही निवडणूक आता केवळ सत्तेची नसून, ती ‘खोटा वारसा’ विरुद्ध ‘खरा संघर्ष’ अशी रंगणार असल्याचे चिन्ह आहे.
थोडक्यात सांगायचे तर: मिलिंद रोकडे यांच्या सामाजिक कार्याची पावती म्हणून जनतेने त्यांना आपला मानले असून, विरोधकांच्या जातीयवादी राजकारणाला काक्रंबाची जनता आता थारा देणार नाही, हेच सध्याचे चित्र आहे.