हंगरगा (नळ): जिल्हा परिषद आणि पंचायत समिती निवडणुकीच्या निमित्ताने हंगरगा (नळ) गावात आज राजकीय वातावरण चांगलेच तापले. तुळजापूरचे कार्यसम्राट आमदार राणाजगजितसिंह (राणादादा) पाटील यांच्या नेतृत्वाखाली, जिल्हा परिषद उमेदवार सौ. ज्योती प्रकाश चव्हाण आणि पंचायत समिती उमेदवार श्री. आशिष गणेश सोनटक्के यांनी गावात घरोघरी जाऊन प्रचार केला. या दरम्यान झालेल्या बैठकीत उमेदवारांनी केवळ विकासाचा पाढाच वाचला नाही, तर विरोधकांच्या जुन्या ‘बोलचाली’ वरून त्यांची चांगलीच खैर घेत खमंग टोमणे लगावले.
आई एकनाथी देवीचा आशीर्वाद अन् विजयाचा हुंकार प्रचाराची सांगता गावातील कुलस्वामिनी आई एकनाथी देवीच्या दर्शनाने झाली. आईचा आशीर्वाद घेऊन ही विजयी वाटचाल सुरू झाल्याचा निर्धार कार्यकर्त्यांनी व्यक्त केला. सध्या सुरू असलेल्या जिल्हा परिषद व पंचायत समिती निवडणुकांच्या पार्श्वभूमीवर ही बैठक गावकऱ्यांच्या चर्चेचा विषय ठरली आहे.
विकासाचे ‘बुलेट’ मुद्दे आणि राणादादांची कामगिरीबैठकीत आमदार राणादादांनी केलेल्या उत्कृष्ट कामाचा गौरव करण्यात आला. वक्त्यांनी खालील मुद्द्यांवर जोर दिला:
पाणी प्रश्न व सिंचन: शाश्वत सिंचनाच्या योजना राबवून गावाचा कायापालट केला आहे.
रस्ते आणि पायाभूत सुविधा: “गावात रस्ते कोणी केले? आणि रस्त्यांवरून फिरताना श्रेय लाटायला कोण येतंय?” असा थेट सवाल यावेळी विचारण्यात आला.
महिला व युवक सक्षमीकरण: जिल्हा परिषदेच्या माध्यमातून महिलांसाठी राबवलेल्या कल्याणकारी योजनांचा आलेख यावेळी मांडण्यात आला.
विरोधकांना लगावले खोचक टोमणे: प्रकाश चव्हाण मा. जि. प सदस्य यांच्याकडून विरोधकांशी पूर्वी झालेली बोलचाल आणि त्यांचे वागणे उघड करत उमेदवारांनी त्यांची चांगलीच मजा उडवली: “कालपर्यंत जे तोंड फिरवून चालत होते, ते आज गळ्यात गळे घालायला बघत आहेत. जनतेला सगळं कळतंय, तुमचा हा ‘निवडणुकीपुरता पुळका’ फार काळ टिकणार नाही!”
“काही लोक विकासाची भाषा करतात, पण त्यांचं स्वत: ची वस्ती अजून अंधारात आहे. हंगरगा नळला शिकवायची गरज नाही, इथली जनता सुज्ञ आहे.”
“निवडणुकीच्या तोंडावर ‘देवमाणूस’ होणाऱ्यांनी आधी स्वतःची जुनी ‘उठाठेव’ आठवून पहावी!”
विजयाचा आत्मविश्वास सौ. ज्योती चव्हाण आणि आशिष सोनटक्के यांनी घराघरात जाऊन गावकऱ्यांशी संवाद साधला. राणादादांच्या कामावर आणि उमेदवारांच्या जनसंपर्कावर विश्वास ठेवून गावाने या निवडणुकीत त्यांना मोठे मताधिक्य देण्याचे आश्वासन दिले आहे. विरोधकांच्या पायाखालची वाळू सरकली असून हंगरगा नळ आता परिवर्तनाच्या आणि विकासाच्या दिशेने वेगाने धावत असल्याचे चित्र दिसत आहे.