सूर्यकांत अरबळे आणि ज्योती मोरे यांचा एल्गार; भ्रष्टाचारी रावणांचा ‘राजकीय’ वध ठरलेला!
भ्रष्टाचाराचा हा रावण जाळण्यासाठी आणि खऱ्या अर्थाने जनतेचं ‘स्वराज्य’ आणण्यासाठी आता मशाल पेटली आहे!
नंदगाव (अधिकार वार्ता प्रतिनिधी): छत्रपती शिवाजी महाराजांनी स्वराज्यासाठी रक्ताचं पाणी केलं, पण नंदगावच्या मागील सत्ताधाऱ्यांनी मात्र जनतेच्या रक्ताच्या कमाईवर स्वतःची घरं भरली! विकासाच्या नावाखाली कोट्यवधींचा निधी लाटून स्वतःचा ‘महाल’ बांधणाऱ्या या भ्रष्टाचारी गद्दारांचा बुरखा फाडण्यासाठी आता शिवरायांचे मावळे मैदानात उतरले आहेत. जिल्हा परिषदेसाठी सूर्यकांत अरबळे आणि पंचायत समितीसाठी ज्योती भीमराव मोरे यांनी हातामध्ये शिवसेनेची ‘धगधगती मशाल’ घेऊन या लबाड लांडग्यांना तोडून-फोडून काढण्याचा निर्धार केला आहे!
विकासाचा फुगा फुटला, भ्रष्टाचार गगनाला भिडला! मागील सत्ताधाऱ्यांनी सत्तेची उब भोगताना ‘माणुसकी’ गहाण ठेवली. कोट्यवधी रुपये कागदावर खर्च झाले, पण नंदगाव गटातले रस्ते आजही नरकयातना देत आहेत. गाव ‘हगणदारी मुक्त’ सोडा, पण दुर्गंधीमुक्तही करता आलं नाही. जातीपातीच्या भिंती उभ्या करून ज्यांनी जनतेला झुंजवलं, तेच ‘पांढरपेशी’ घोटाळेबाज आता पुन्हा लाचारीचं मत मागायला येत आहेत. पण लक्षात ठेवा, हे ‘स्वराज्य’ आहे आणि इथे गद्दारांना क्षमा नाही!
मशालीचा धडाका, भ्रष्टाचाराचा होईल थरकाप! “ज्याप्रमाणे महाराजांनी स्वराज्याशी गद्दारी करणाऱ्यांचे हात-पाय कलम केले, त्याचप्रमाणे आम्ही या निवडणुकीत मतांच्या माध्यमातून तुमच्या भ्रष्टाचारी साम्राज्याचा चक्काचूर करू,” असा जळजळीत इशारा सूर्यकांत अरबळे आणि ज्योती मोरे यांनी दिला आहे. नंदगावच्या मातीत केलेला प्रत्येक घोटाळा, प्रत्येक काळे कारस्थान आता जनतेसमोर चव्हाट्यावर येणार आहे.
आता लढाई स्वराज्यासाठी, आता लढाई न्यायासाठी!सत्ताधाऱ्यांनी जनतेला दिलेली ही ‘गद्दारीची वागणूक’ जनता विसरलेली नाही. स्वतःची गल्ली आणि स्वतःचे खिसे गरम करणाऱ्या या नेत्यांना आता ‘मशालीची’ धग सोसावी लागणार आहे. सूर्यकांत अरबळे आणि ज्योती मोरे यांच्या रूपाने नंदगाव गटात आणि गणात विकासाचं नवं पर्व सुरू होणार असून, सत्ताधाऱ्यांच्या पापाचा घडा आता भरला आहे!
“तिजोरीवर डल्ला मारून स्वतःचा विकास करणाऱ्यांना आता जनतेची पायधूळ चाटावी लागणार!”
“जातीयवादाची विषारी पेरणी करून स्वतःची पोळी भाजणारे आता मशालीच्या उजेडात तोंड काळे करून पळणार!”
“स्वराज्याशी गद्दारी करणाऱ्यांची जागा सत्तेत नाही, तर इतिहासाच्या कचराकुंडीत असते!
“सावधान नंदगावकर! ज्यांनी तुमच्या हक्काचा पैसा खाल्ला, त्यांना पुन्हा संधी देणं म्हणजे आपल्याच पायावर धोंडा पाडून घेण्यासारखं आहे. भ्रष्टाचाराचा हा रावण जाळण्यासाठी आणि खऱ्या अर्थाने जनतेचं ‘स्वराज्य’ आणण्यासाठी आता मशाल पेटली आहे!