काक्रंब गटातील जनतेने आता ठरवले आहे की, ‘धुळ’ खाणारा विकास करणाऱ्यांना आता ‘धूळ’ चाटवण्याची वेळ आली आहे.
काक्रंबा (अधिकार वार्ता प्रतिनिधी): “सत्ता मिळाली की जनतेचा विकास करायचा असतो, स्वतःच्या घराचा नाही,” हा शिवछत्रपतींचा विचार विसरून काक्रंबा जिल्हा परिषद आणि पंचायत समितीच्या मागील सत्ताधाऱ्यांनी जनतेच्या पैशावर डल्ला मारला आहे. कोट्यवधींचा निधी विकासाच्या नावाखाली कागदावर जिरवून स्वतःचे खिसे भरणारे ‘भ्रष्ट’ उमेदवार पुन्हा निवडणुकीच्या रिंगणात उतरले आहेत. मात्र, यावेळी त्यांना गाडण्यासाठी शिवसेनेची (उद्धव बाळासाहेब ठाकरे) धगधगती मशाल सज्ज झाली असून, उमेश रमेश पांडगळे सर (काक्रंबा पंचायत समिती) आणि ऍड. रामचंद्र दौलतराव ढवळे (काक्रंबा जिल्हा परिषद) यांनी रणांगण गाजवायला सुरुवात केली आहे.
विकासाच्या गप्पा आणि घोटाळ्यांचा रस्ता! मागील सत्ताधाऱ्यांनी काक्रंब गटात केवळ ‘जातीयवादाचे’ विष पेरले आणि विकासाच्या नावाखाली कोट्यवधींचे घोटाळे केले, असा खळबळजनक आरोप आता जनमानसातून होत आहे. काक्रंबा गटाचा तर सोडा, काक्रंबा गावचा रस्ता असो की हगणदारी मुक्त गावची घोषणा, जमिनीवर मात्र परिस्थिती ‘जैसे थे’ आहे. सामान्य माणसाला लाजवेल अशा पद्धतीने भ्रष्टाचाराचा कळस गाठणाऱ्या या सत्ताधाऱ्यांनी स्वराज्याशी आणि जनतेशी गद्दारी केली आहे. ‘माणुसकीला काळिमा’ फासणाऱ्या या वृत्तीला धूळ चाटवण्यासाठी आता शिवसैनिक सरसावले आहेत.
मशाल पेटली, गद्दारांना धूळ चाटवणार! स्वराज्याचे अधिपती छत्रपती शिवाजी महाराज यांचा वारसा सांगत, उमेश पांडगळे सर आणि ऍड. रामचंद्र ढवळे यांनी कंबर कसली आहे. “ज्याप्रमाणे राजांनी स्वराज्यासाठी लढा दिला, त्याच धगधगत्या विचारांनी आम्ही या गद्दारांचे काळे कारस्थान जनतेसमोर उघडे पाडणार आहोत,” असा निर्धार उमेदवारांनी व्यक्त केला आहे.
विकास की ‘स्व-विकास’?: कोट्यवधी रुपये आले कुठे आणि गेले कुठे? रस्ते खड्ड्यात की सत्ताधाऱ्यांच्या बंगल्यात?
गद्दारीची शिक्षा: जनतेच्या पैशावर डल्ला मारून पुन्हा मतं मागायला येणाऱ्यांना जनता ‘धगधगत्या मशाली’चा इंगा दाखवणार.
स्वराज्य विरुद्ध भ्रष्टाचार: हे निवडणूक केवळ सत्तेसाठी नाही, तर भ्रष्टाचार मोडीत काढून सामान्यांचे ‘स्वराज्य’ स्थापन करण्यासाठी आहे.
काक्रंब गटातील जनतेने आता ठरवले आहे की, ‘धुळ’ खाणारा विकास करणाऱ्यांना आता ‘धूळ’ चाटवण्याची वेळ आली आहे. उमेश पांडगळे सर आणि ऍड. ढवळे यांच्या नेतृत्वाखाली मशालीचा हा प्रकाश भ्रष्टाचाराचा अंधार नक्कीच दूर करेल, असा विश्वास शिवसैनिकांकडून व्यक्त होत आहे.