जळकोटच्या राजकारणात एकतेची नवी छापनिवडणुकीत विचारसरणी वेगळी असू शकते, मात्र समाजाच्या उत्सवात आपण सर्व एक आहोत.
जळकोट (अधिकार वार्ता प्रतिनिधी): निवडणुकीच्या रिंगणात एकमेकांविरुद्ध शड्डू ठोकणारे उमेदवार जेव्हा सार्वजनिक उत्सवात एकमेकांच्या गळ्यात गळा घालून भेटतात, तेव्हा लोकशाहीचा खरा विजय पाहायला मिळतो. असाच काहीसा ‘राजकारण राजकारणाच्या जागी आणि समाजकारण समाजकारणाच्या जागी’ असा आदर्श वस्तुपाठ आज जळकोटमध्ये पाहायला मिळाला.
श्री भगवान विश्वकर्मा जयंतीचा निमित्त एकतेचा संदेश आज सकाळी जळकोट येथे श्री भगवान विश्वकर्मा यांची जयंती अत्यंत उत्साहात साजरी करण्यात आली. या उत्सवाचे खास वैशिष्ट्य म्हणजे, जिल्हा परिषद आणि पंचायत समितीच्या निवडणुकीच्या धामधुमीत असलेले भाजप आणि काँग्रेस या दोन्ही प्रमुख पक्षांचे उमेदवार आणि कार्यकर्ते सर्व हेवेदावे विसरून एकत्र आले होते.
प्रतिस्पर्ध्यांची गळाभेट; कार्यकर्त्यांच्या भुवया उंचावल्याया कार्यक्रमाला भाजपच्या वतीने जिल्हा परिषद उमेदवार सौ. ज्योती प्रकाश चव्हाण आणि पंचायत समिती उमेदवार आशिष गणेश सोनटक्के उपस्थित होते. तर, काँग्रेसच्या वतीने जिल्हा परिषद उमेदवार सौ. प्रतीक्षा गोपाळ सुरवसे आणि पंचायत समिती उमेदवार मोहन मानसिंग चव्हाण यांनी हजेरी लावली होती.
रिंगणात एकमेकांचे कट्टर प्रतिस्पर्धी असलेले हे उमेदवार जेव्हा समोरासमोर आले, तेव्हा त्यांनी एकमेकांना अत्यंत खेळीमेळीच्या वातावरणात अभिवादन केले आणि चक्क गळाभेट घेतली. निवडणुकीच्या रणधुमाळीतही जपलेली ही ‘माणुसकी’ पाहून उपस्थित नागरिक आणि कार्यकर्त्यांमध्ये कौतुकाचा विषय ठरला आहे.
जळकोटच्या राजकारणात एकतेची नवी छाप. निवडणुकीत विचारसरणी वेगळी असू शकते, मात्र समाजाच्या उत्सवात आपण सर्व एक आहोत, असाच संदेश या दोन्ही पक्षांच्या उमेदवारांनी दिला. या अनोख्या एकतेमुळे जळकोट जिल्हा परिषद आणि पंचायत समिती मतदारसंघात एक वेगळीच जुटीची छाप सोडली गेली आहे. राजकारणातला कडवटपणा बाजूला ठेवून सामाजिक सलोखा कसा जपावा, याचे हे उत्तम उदाहरण मानले जात आहे.
यावेळी दोन्ही पक्षांचे पदाधिकारी आणि मोठ्या संख्येने कार्यकर्ते उपस्थित होते.